Rusiya Çerniqov şəhərini vurub, 7 nəfər ölüb

Rusiya dünən axşam saatlarında Ukraynanın paytaxtı Kiyevin şimalında yerləşən Çerniqov şəhərinin mərkəzinə raket zərbəsi endirib. 

"Operativ Media" xəbər verir ki, bu barədə Ukrayna Fövqəladə Hallar Xidməti məlumat yayıb.

Hücum nəticəsində 7 nəfər həyatını itirib, 144 nəfər yaralanıb.

Xidmətdən verilən açıqlamada bildirilib ki, xəsarət alanlardan 15-i uşaq, 15-i polisdir.

Ukrayna prezidenti Volodimir Zelenski hücumda ölənlər arasında 6 yaşlı Sofiya adlı qızın olduğunu bildirib: "Çerniqovda rus raketi ilə təəssüf ki, 7 nəfər həlak oldu, ölənlər arasında bir qız da var. Onun adı Sofiyadır, 6 yaşı var idi. Yaxınlarına başsağlığı verirəm. 15-i uşaq olmaqla 144 yaralı var. Raket şəhərin mərkəzinə düşüb. Əminəm ki, əsgərlərimiz bu terror aktına görə Rusiyaya cavab verəcəklər".