"Gələcəkdə süni intellekt bir çox sahələri tam əvəz edə biləcək".

Operativ Media xəbər verir ki, bu barədə Azərbaycan İnternet Forumunun prezidenti, Multimedia Mərkəzinin direktoru Osman Gündüz jurnalistlərə açıqlamasında deyib. 

"Bu qarşıdakı illərdə qaçılmaz olacaq. Ancaq tədris prosesindən danışırıqsa, süni intellekt daha çox müəyyən incə məqamların və bəzi proseslərin təkmilləşdirilməsinə xidmət edə bilər. Lakin müəllimi tam əvəz etməsi hələ yaxın perspektivin məsələsi deyil. Diqqət yetiriləsi məqam ondan ibarətdir ki, qarşıdakı dövrdə mən əminəm ki, süni intellektdən effektiv istifadə etməyən müəllimlər tədrisdən kənarlaşacaq”, - deyə o, bildirib.