ABŞ-də qasırğa səbəbindən fövqəladə vəziyyət elan edilib

"Biz bütün hökuməti fırtınaya hazırlaşmaq və tədbir görmək üçün səfərbər edirik".

"Operativ Media" xəbər verir ki, bunu Kaliforniya qubernatoru Gavin Newsom deyib.

O, Hilari qasırğasının yaxınlaşması ilə əlaqədar ştatın cənubunda fövqəladə vəziyyət elan edildiyini açıqlayıb. 

Kaliforniya Qubernatorluğu tərəfindən paylaşılan fotolarda qasırğanın təsirlərini yumşaltmaq üçün ABŞ Milli Qvardiyasının da hazır vəziyyətdə saxlandığı görülüb.