“Təmiz Şəhər” ASC və Bakı Şəhər Dövlət Yol Polisi İdarəsi “Tap qaytar” adlı yeni layihəyə başlayır

“Təmiz Şəhər” ASC və Bakı Şəhər Dövlət Yol Polisi İdarəsi “Tap qaytar” adlı yeni layihəyə başlayır.

DYP-dən "Operativ Media"ya verilən məlumata görə, layihənin təqdimat mərasimi 14.09.2023-cü il saat 11:00-da  Balaxanı bərk məişət tullantılarının çeşidlənməsi zavodunda keçiriləcək. Əvvəlcə zavodun fəaliyyəti ilə tanış olmaq üçün mediatur təşkil olunacaq və tullantıların içərisindən tapılan sürücülərə aid sənədlər , eləcə də 50-dən çox avtomobil dövlət nömrə nişanları Bakı Şəhər Baş Dövlət Yol Polisi İdarəsinin əməkdaşlarına təqdim ediləcək.

Sizi məmnuniyyətlə  “Tap qaytar” layihəsinin təqdimat mərasiminə və içərisində diqqət çəkən seriyaların da olduğu dövlət  nömrə nişanlarının sahiblərinə qaytarılması prosesini izləməyə dəvət edirik.