ATMİA və Dövlət Vergi Xidməti nümayəndələri arasında görüş keçirilib

12 oktyabr tarixində Azərbaycan Tikinti Materialları Assosiasiyasının (ATMİA) üzvləri və Dövlət Vergi Xidmətinin nümayəndələri arasında görüş keçirilib.

"Operativ Media" xəbər verir ki, Dövlət Vergi Xidmətinin nümayəndələri, Baş dövlət vergi müfəttişi Yunis Quliyev, Dövlət vergi müfəttişi Şaiq Məmmədov tərəfindən vergi sistemində aparılan islahatlar, vergi inzibatçılığı və vergi qanunvericiliyi barədə tədbir iştirakçılarına məlumat verilib.

Daha sonra sahibkarların qarşılaşdıqları problemlər dinlənilmiş, onları maraqlandıran suallar cavablandırılmışdır.