Azərbaycan və Ermənistan arasında normallaşma prosesi İranda müzakirə olunacaq

Rusiyanın xarici işlər naziri Sergey Lavrov bu gün Tehranada “3+3” formatında həmkarları ilə görüşəcək.

Bu barədə “Operativ Media” TASS-a istinadən xəbər verir.

Məlumata görə, “3+3” formatında Cənubi Qafqazdakı vəziyyət və Azərbaycan-Ermənistan arasındakı sülh danışıqları müzakirə ediləcək.

Qeyd edək ki, “3+3” formatında məsləhətləşmələr Cənubi Qafqazın üç ölkəsinin – Azərbaycan, Ermənistan və Gürcüstanın, eləcə də bu regionun ən yaxın üç qonşusunun – Rusiya, İran və Türkiyənin iştirakını nəzərdə tutur. Formatın ilk iclası 2021-ci il dekabrın 10-da Moskvada beş ölkənin xarici işlər nazirlərinin müavinləri səviyyəsində keçirilib, Gürcüstan iclasda iştirakdan imtina edib. Bu görüş xarici işlər nazirləri səviyyəsində ilk görüş olacaq.

Gözəl Həşimova