Azad edilmiş ərazilərdə ötən həftə 81 mina aşkarlanıb

Azərbaycan Minatəmizləmə Agentliyi (ANAMA) işğaldan azad edilmiş ərazilərdə həyata keçirilən humanitar minatəmizləmə əməliyyatları ilə bağlı həftəlik məlumat yayıb.

"Operativ Media" xəbər verir ki, bu barədə qurumun “X” hesabında bildirilib.

Bildirilib ki, azad olunan ərazilərdə oktyabrın 23-dən 29-dək olan müddətdə 56 tank əleyhinə mina, 25 piyada əleyhinə mina, 2 427 partlamamış hərbi sursat aşkarlanıb və zərərsizləşdirilib.

Həmçinin 616,3 hektar ərazi minadan təmizlənib.