Ağcabədi Rayon Polis Şöbəsinin təşkilatçılığı ilə rayonun Xocavənd kəndində yerləşən 1,2 və 3 saylı tam orta məktəblərdə təhsil alan şagirdlərlə narkomaniyaya qarşı maarifləndirmə tədbiri keçirilib.

DİN mətbuat xidmətindən "Operativ Media"ya verilən məlumata görə, tədbirdə söz açan RPŞ-nin rəis müavini, polis polkovnik-leytenantı Elmir Dəmirçiyev və digər çıxışçılar narkomaniyanın səbəb olduğu fəsadlarla bağlı ətraflı məlumat veriblər. Şagirdlərə bu bəladan uzaq olmağı, ali təhsilə yiyələnməyi və sağlam həyat yaşamağı tövsiyə ediblər.

Sonda isə maraq doğuran suallar cavablandırılıb.