Media nümayəndələri üçün aqrar sığorta təlimi keçilib

1 noyabr - Kənd Təsərrüfatı İşçiləri Günü münasibətilə Kənd Təsərrüfatı Nazirliyi, Aqrar Sığorta Fondu (ASF) və Medianın İnkişafı Agentliyinin (MEDİA) birgə təşkilatçılığı ilə media nümayəndələri üçün aqrar sığorta təlimi keçilib.

"Operativ Media" Agentliyə istinadən xəbər verir ki, tədbirdə iştirak edən Medianın İnkişafı Agentliyinin şöbə müdiri Natiq Məmmədli media sahəsində ixtisaslaşmanın və iqtisadi mövzuların işıqlandırılmasında təlimlərin əhəmiyyətini xüsusi qeyd edərək, Agentlik tərəfindən media nümayəndələrinin peşəkarlığının artırılması və iqtisadi sahədə ixtisaslaşmasının təmin edilməsi üçün çoxsaylı təlimlərin həyata keçirildiyini və hazırki tədbirin də bu sahədə mühüm addımlardan biri olduğunu vurğulayıb.