Türkiyə Prezidenti: Cənubi Qafqazda sülh və sabitlik istiqamətində bütün addımları birlikdə atacağıq

"Bir millət, iki dövlət" şüarı ilə təcəssüm olunan, "Sevincdə və kədərdə birlik" anlayışı ilə yoğurulan və Zati-alinizlə imzaladığımız Şuşa Bəyannaməsi ilə taclanan sarsılmaz qardaşlıq və müttəfiqlik bağlarımızdan aldığımız güclə ölkələrimizin əmin-amanlığı və rifahı ilə Cənubi Qafqazda davamlı sülh və sabitliyin bərqərar olması istiqamətində bütün addımları bu günə qədər olduğu kimi, bundan sonra da birlikdə atacağıq.

"Operativ Media" xəbər verir ki, bu, Türkiyə Prezidenti Rəcəb Tayyib Ərdoğanın Prezident İlham Əliyevə Zəfər Günü münasibətilə ünvanladığı təbrik məktubundə əksini tapıb.

Ərdoğan Vətən uğrunda şəhid olan bütün azərbaycanlı qardaşlarına Uca Allahdan rəhmət dilədiyini, əziz xatirələrini ehtiramla yad etdiyini, qazilərə isə minnətdarlığını ifadə edib.