FHN: Hacıqabulda su basan ərazilərdə tədbirlər fasiləsiz davam etdirilir - VİDEO

İntensiv yağışlarla əlaqədar Hacıqabul şəhərinin subasmaya məruz qalmış ərazilərində Fövqəladə Hallar Nazirliyinin qüvvələri tərəfindən zəruri təhlükəsizlik tədbirləri görülür.

"Operativ Media" xəbər verir ki, bu barədə FHN-in Mətbuat xidmətinin məlumatında bildirilib.

Nazirliyin Muğan Regional Mərkəzi, Dövlət Yanğından Mühafizə Xidməti və Mülki müdafiə qoşunlarının qüvvələri tərəfindən su basmış yerlərdən suyun çəkilərək kənarlaşdırılması və digər təhlükəsizlik tədbirlərinin görülməsi işləri fasiləsiz olaraq davam etdirilir.

Hazırda əməliyyat davam etdirilir.