Sosial şəbəkələrdə moped və motosikletlərin yol polisi tərəfindən saxlanılaraq duracaqlara yerləşdirilməsi iddia olunub.

"Operativ Media" xəbər verir ki, bununla bağlı videogörüntülər "Tiktok"da yayılıb.

Məsələ ilə bağlı Daxili İşlər Nazirliyinin Baş Dövlət Yol Polisi İdarəsinin inspektoru polis leytenantı Elvin Hacıyev "Operativ Media"ya bildirib ki, görüntülərdəki motosiklet və mopedlər İnzibati Xətalar Məcəlləsinin 96-cı maddəsinin tərkibini pozub:

"Görüntülərdə mopedlər və moteskletlər İnzibati Xətalar Məcəlləsinin 96-cı maddəsinin tərkibini pozub. Sənədsiz, sürücülük vəsiqəsi olmadan və içkili halda idarə edilən və normativ tələbləri pozan nəqliyyat vasitələridir ki, həmin motosiklet və mopedlər duracağa təmin olunur", - deyə DYP rəsmisi bildirib.

Həmin görüntüləri təqdim edirik.