Hesablamalarımıza əsasən, bu gün azad olunmuş ərazilərdə 1 milyon 167 min hektara yaxın təhlükəli sahə var.

"Operativ Media" xəbər verir ki, bunu Milli Məclisin Müdafiə, təhlükəsizlik və korrupsiya ilə mübarizə komitəsinin bu gün keçirilən iclasında “Minatəmizləmə fəaliyyəti haqqında” qanun layihəsinin müzakirəsində Azərbaycan Respublikası Minatəmizləmə Agentliyinin İdarə Heyəti sədrinin birinci müavini Bəhruz Məmmədov deyib.

O bildirib ki, 4 il ərzində 14,2 %-i ərazidə təmizləmə aparılıb “Bəzən deyirlər ki, bütün ərazilər mina ilə çirklənə bilməz. Amma apardığımız qiymətləndirmə işlərinə görə, minatəmizləyənlər deyə bilmir ki, azad olunmuş ərazilərdə hansısa ərazi mina ilə çirklənməyib. Azad olunmuş ərazilərdə elə yer yoxdur”.