25 Noyabr 2024, 09:07
Azərbaycan karateçilərindən Avropa Kubokunda 2 medal
Azərbaycan idmançıları Belçikanın Antverpen şəhərində keçirilən fullkontakt kyokuşin karate üzrə ll Avropa Kubokunda 1 qızıl və 1 gümüş medal qazanıblar.
"Operativ Media" xəbər verir ki, bütün görüşlərini qələbə ilə başa vuran Əliqismət Həsənov fəxri kürsünün ən yüksək pilləsinə qalxıb.
Həlledici görüşdə məğlub olan Anar Bağırov isə gümüş medalla kifayətlənib.
Hər iki karateçi göstərdikləri uğurlu çıxışla dünya çempionatına vəsiqəni təmin ediblər.