Qazaxıstan, 2024-cü ilin sonuna qədər əvvəllər elan edilmiş 90,3 milyon ton əvəzinə 88,4 milyon ton neft hasil etməyi planlaşdırır.

"Operativ Media" xəbər verir ki, bu barədə Qazaxıstanın energetika naziri Almasadam Satkaliev bildirib.

"Bu il üçün neft hasilatı proqnozu 88,4 milyon ton təşkil edir. 10 ayın yekunlarına əsasən, neft hasilatının həcmi 73,5 milyon ton olub", - qazaxıstanlı nazir Milli Məclisdə keçirilən hökumət saatında deyib.

Nazir qeyd edib ki, ötən il Qazaxıstan 90 milyon ton hasilatla 70,5 milyon ton neft ixrac edib.