Meksikada ilk dəfə insanda "H5N1 quş qripi ştammı aşkarlanıb

Duranqo ştatının şimalında 3 yaşlı qız uşağında quş qripi olduğu təsdiqlənib.

Operativ Media xəbər verir ki, bu haqda Meksika Səhiyyə Nazirliyi məlumat yayıb.

Aprelin 1-də köçürüldüyü Torreon şəhərindəki xəstəxanada qızda "H5N1" virusu aşkarlanıb. Vəziyyəti hələ də ağır olan uşağın müalicəsi xəstəxanada davam etdirilir.

Meksika səlahiyyətliləri "H5N1"in insandan insana ötürülməsinə dair hələ heç bir sübut olmadığını vurğuladılar.