Putin belaruslu həmkarı ilə telefon danışığı aparıb

Rusiya prezidenti Vladimir Putin belaruslu həmkarı Aleksandr Lukaşenko ilə telefon danışığı aparıb.

Operativ Media xəbər verir ki, bu barədə Kremlin rəsmi nümayəndəsi Dmitri Peskov məlumat verib.

Onun sözlərinə görə, dövlət başçıları iki ölkə arasında əməkdaşlıq məsələlərini, o cümlədən Rusiya və Belarus xüsusi xidmət orqanları arasında terrorizmə qarşı birgə fəaliyyət məsələlərini müzakirə ediblər.

Xüsusilə, Putin Belarus sərhədində böyük partlayıcı maddə partiyasının saxlanılmasına görə Lukaşenkoya təşəkkür edib.

Bundan əlavə, tərəflər aprelin sonunda Volqoqradda keçiriləcək qarşıdakı görüşə hazırlıqlarını təsdiqləyiblər.