İran-İraq müharibəsindən qalan minanın partlaması nəticəsində iki iranlı həlak olub

İranın Kürdüstan əyalətinin Bane sərhəd bölgəsində patrul xidməti zamanı İran-İraq müharibəsindən qalan minanın partlaması nəticəsində iki iranlı sərhədçi həlak olub.

Operativ Media xəbər verir ki, bu barədə İranın rəsmi xəbər agentliyi İRNA məlumat yayıb.

Bildirilib ki, hadisə dünən gecə saatlarında baş verib.

Qeyd edək ki, İran və İraq arasında 1980-ci il sentyabrın 22-də başlayan müharibə 20 avqust 1988-ci ildə Birləşmiş Millətlər Təşkilatının Təhlükəsizlik Şurasının hər iki tərəfin qəbul etdiyi 598 saylı qətnamə ilə başa çatıb.