BMT rəsmisi bildirib ki, qısa müddət ərzində atəşkəs yenidən bərpa edilməlidir.
Qəzzaya 1 aydan çoxdur humanitar yardım çata bilmir.
Operativ Media xəbər verir ki, bunu Birləşmiş Millətlər Təşkilatının Beynəlxalq Miqrasiya Təşkilatının (BMqT) baş direktoru Amy Pope deyib.
"Bir aydan çoxdur ki, humanitar yardımlar Qəzzaya daxil ola bilmir. Yüz minlərlə insan yenidən evlərindən didərgin düşüb. Qəzzada heç bir yer təhlükəsiz deyil", - deyə o bildirib.
Baş direktor Qəzzada insanların həyatını xilas etmək üçün təcili hərəkətə keçməyə çağırıb. Qısa müddət ərzində atəşkəsin yenidən bərpa edilməsini və yardımların göndərilməsinə şərait yaradılmasını tələb edilib.
