Türkiyə-Azərbaycan Universitetində yeni tədris ili üçün bakalavriat səviyyəsi üzrə qəbul başlayır. Universitetdə "Kompüter mühəndisliyi", "Sənaye mühəndisliyi" və "Qida mühəndisliyi" ixtisasları tədris olunacaq.

Operativ Media xəbər verir ki, tədris prosesi Türkiyənin aparıcı ali təhsil müəssisələrinin professor-müəllim heyəti tərəfindən aparılır. Kompüter mühəndisliyi ixtisası Orta Doğu Texniki Universiteti, Sənaye mühəndisliyi İstanbul Texniki Universiteti, Qida mühəndisliyi isə Hacettepe Universiteti tərəfindən təmin edilir. Azərbaycan tərəfindən tərəfdaş ali təhsil müəssisəsi originates Azərbaycan Texniki Universitetidir.

Qeyd edək ki, təhsil yalnız ingilis dilində və dövlət sifarişi əsasında həyata keçirilir.

Hazırda 174 tələbənin təhsil aldığı ali məktəbə 2026–2027-ci tədris ili üçün ümumilikdə 120 plan yeri ayrılıb. Bunlardan 60-ı Kompüter mühəndisliyi, 30-u Sənaye mühəndisliyi, 30-u isə Qida mühəndisliyi ixtisasının payına düşür.