ABŞ sanksiya tətbiq etdiyi Fly Baghdad Airlines aviaşirkətinə qarşı məhdudiyyətləri ləğv edib.

Operativ Media xəbər verir ki, bu barədə ABŞ Maliyyə Nazirliyinin rəsmi saytında məlumat dərc olunub.

Məlumata əsasən, Fly Baghdad Airlines (İraq Express adı ilə də tanınır) və YI-BAF və YI-BAN qeydiyyat nömrəli iki Boeing 737 təyyarəsi Xarici Aktivlərə Nəzarət Ofisinin (OFAC) Xüsusi Təyin Edilmiş Şəxslər (SDN) siyahısından çıxarılıb.

Qeyd edək ki, sözügedən sanksiyalar 2024-cü ildə aviaşirkətin İran İnqilab Keşikçiləri Korpusunun Qüds Qüvvələri ilə əlaqəli olduğu iddiası əsasında tətbiq edilmişdi.