Təhsil Tələbə Krediti Fondu növbəti beynəlxalq uğura imza atıb.

Operativ Media xəbər verir ki, bu barədə TTKF məlumat yayıb.

ABŞ-nin nüfuzlu qiymətləndirmə proqramlarından biri olan "Global Recognition Awards" beynəlxalq müsabiqəsində Təhsil Tələbə Krediti Fondunun fəaliyyəti yüksək qiymətləndirilib.

Fond son illər ərzində fəaliyyət istiqamətləri üzrə həyata keçirdiyi işlər və əldə etdiyi nəticələrə görə müsabiqənin qalibi seçilərək "2026 Global Recognition Award" mükafatına layiq görülüb.

Bu beynəlxalq mükafat Təhsil Tələbə Krediti Fondunun fəaliyyətinə verilən yüksək dəyərin və həyata keçirilən işlərin beynəlxalq səviyyədə müsbət qiymətləndirilməsinin növbəti göstəricisidir.