"Parma" klubunun qapıçısı Dzion Suzuki Fransa təmsilçisi PSJ-yə transfer olunmağa yaxındır.

​Operativ Media xəbər verir ki, tanınmış insayder Fabrizio Romanonun yaydığı məlumata görə, 23 yaşlı yapon qolkiperin keçid dəyəri 35 milyon avro təşkil edəcək.

​Məlumata əsasən, Paris klubu 23 yaşlı futbolçunu birillik icarəyə götürmək variantını nəzərdən keçirir və "Yuventus" da əsas iddiaçılar sırasındadır. İcarə müddəti başa çatdıqdan sonra PSJ-ni rusiyalı qapıçı Matvey Safonov və ya Lyuka Şevalienin tərk edə biləcəyi ehtimal olunur.

​Qeyd edək ki, 2024-cü ildən "Parma"nın şərəfini qoruyan yaponiyalı oyunçu İtaliya təmsilçisinin heyətində ümumilikdə 59 matçda meydana çıxıb. Bu görüşlərdə o, 83 qol buraxıb və 14 dəfə qapısını toxunulmaz saxlayıb.