Tunisdə miqrant qayığı batıb

Tunisin cənub-şərqində miqrantları daşıyan qayığın batması nəticəsində 4 nəfər həyatını itirib, 10-dan çox insan itkin düşüb.

Operativ Media xəbər verir ki, bu barədə "Sinxua" məlumat yayıb.

Hadisə Ben-Kerdan sahili yaxınlığında baş verib.

Məlumata görə, Zərzis Dəniz Mərkəzinə 15-dən çox miqrantı daşıyan qayıqla bağlı təhlükə siqnalı daxil olub.

Bundan sonra yerli balıqçılar və qayıq sahibləri təhlükəsizlik qüvvələri ilə birlikdə xilasetmə əməliyyatına başlayıblar.