Türkiyə Qara dənizdə sülh və sabitliyin təmin edilməsi üçün səylərini davam etdirəcək. 

"Operativ Media" xəbər verir ki, bu barədə Türkiyə Milli Təhlükəsizlik Şurasının prezident Rəcəb Tayyib Ərdoğanın sədrliyi ilə keçirilən iclasının bəyanatında deyilir.

"Regional və qlobal riskləri artıran Rusiya-Ukrayna müharibəsinin dərhal atəşkəs və davamlı sülhün bərqərar edilməsi yolu ilə dayandırılması zərurətdir. Türkiyə Qara dənizdə sülh və sabitliyin təmin edilməsi istiqamətində səylərini diqqətlə davam etdirəcək. Onun yanaşmaları və praktikaları Montrö Konvensiyasının müddəalarına uyğun olaraq mövcud risklərin aradan qaldırılmasına yönəlmişdir", - deyə məlumatda bildirilir.