Zaqatalada bir ailənin dörd üzvü yol qəzasında xəsarət alıb.

Operativ Media APA-ya istinadən xəbər verir ki, hadisə günorta saatlarında rayonun Qəbizdərə kəndində baş verib.

Qəza nəticəsində avtomobildə olan Zaqatala şəhər sakinləri Vasif Sultanov, Səfa Sultanova və onların iki azyaşlı övladı müxtəlif dərəcəli xəsarətlər alıblar.

Yaralılara xəstəxanada ilkin tibbi yardım göstərilib. Həkimlər onların xəsarətlərinin yüngül olduğunu müəyyən etdikdən sonra ambulator müalicə üçün evə buraxıblar.

Faktla bağlı araşdırma aparılır.