Belçika polisi Aİ-nin Brüsseldəki diplomatik qərargahında axtarış aparır

Belçika polisi Aİ-nin Brüsseldəki diplomatik xidmətinin baş qərargahında, eləcə də Brüggedəki Avropa Kollecində və şəxsi evlərdə Aİ maliyyə vəsaitlərinin sui-istifadəsi iddiası ilə bağlı araşdırma çərçivəsində axtarış aparıb .

Operativ Media bu barədə "Euroactive"ə istinadən xəbər verir.

Səhər saatlarında Belçikada axtarışlar aparılıb, bu zaman polis sənədləri ələ keçirib və satınalmalarda fırıldaqçılıq, korrupsiya və cinayətkar maraqların toqquşması şübhəsi ilə üç nəfəri həbs edib.

Cinayət təhqiqatı 2021 və 2022-ci illərdə Avropa Xarici Fəaliyyət Xidməti və Avropa Kolleci tərəfindən Aİ dövlət vəsaitlərinin sui-istifadəsi iddiaları əsasında başlanıb.