Almaniyada əyləncə parkında 15 nəfər xlordan zəhərlənib

Almaniyanın qərbindəki Brühl şəhərindəki əyləncə parkında 15 nəfər xlordan zəhərlənib.

Operativ Media xəbər verir ki, bu barədə "Bild" qəzeti məlumat yayıb.

Məlumata görə, xlor sızmasına parkın içərisində yerləşən hotel hovuzundakı texniki nasazlıq səbəb olub.

Zərərçəkənlər tənəffüs yollarının qıcıqlanması və boğaz ağrısından şikayətləniblər. Dörd nəfər xəstəxanaya aparılıb, digərlərinə isə hadisə yerində tibbi yardım göstərilib.