Aİ sülhün əldə edilməsində Ermənistan və Azərbaycana dəstək verməyə hazır olduğunu bəyan edib

Ermənistan və Azərbaycan arasında avqust ayında Vaşinqtonda əldə olunan razılaşmalar davam edən münaqişəyə son qoyulması baxımından mühüm əhəmiyyət kəsb edir.

Operativ Media xəbər verir ki, bunu dekabrın 2-də Ermənistan–Aİ Tərəfdaşlıq Şurasının 6-cı iclasından sonra keçirilən brifinqdə Aİ-nin xarici işlər və təhlükəsizlik siyasəti üzrə ali nümayəndəsi Kaya Kallas bildirib.

“Avropa İttifaqı bu məsələdə tərəflərə dəstək olmaq üçün əlindən gələni edəcək”, – o vurğulayıb.