İsveç Ukraynaya 100 milyon avro verəcək

İsveç hökuməti Ukraynaya 1,1 milyard krondan (100 milyon avro) bir qədər çox vəsait ayıracağını açıqlayıb.

Operativ Media xəbər verir ki, bu barədə "Sweden Herald" yazır.

Bildirilir ki, mülki yardım paketi Ukraynaya qış ehtiyaclarını ödəməyə kömək edəcək.

Rusiya mülki infrastruktura hücumlarını artırdıqca, bir çox ukraynalılar işıqsız, istiliksiz və susuz qalmaq riski ilə üzləşirlər.

Bu hücumlar son həftələrdə daha tez-tez baş verir.

İsveçin Beynəlxalq İnkişaf üzrə Əməkdaşlıq naziri Benjamin Duza "Göteborgs-Posten" qəzetinə deyib ki, bu qış Ukrayna üçün ən pis qış ola bilər.

Bu pul Ukrayna icmalarına ekoloji cəhətdən təmiz infrastrukturun təmirinə, ölkənin qış enerjisinə olan tələbatının ödənilməsinə və ölkənin ictimai xidmətlərin göstərilməsi imkanlarının gücləndirilməsinə kömək edəcək.