Rəhman Daşdəmirov: "Qışda komandanı tərk etməyəcəm"

Mövsümün ilk yarısı çox yaxşı keçdi, xüsusən də bizim üçün, həm də mənim üçün. Qələbələr qazandıq və xallar topladıq.

Bunu Operativ Media-ya açıqlamasında "Sabah" klubunun müdafiəçisi Rəhman Daşdəmirov deyib.

O, baş məşqçi Valdas Dambrauskasun ona az şans verməsi ilə bağlı sualı da cavablandırıb.

"Bu barədə danışmaq istəmirəm. Bu haqda baş məşqçi ilə söhbətim olub".

Azərbaycan millisinin üzvü ötən mövsümü də uğurlu adlandırıb.

"Mən deməzdim ki, yalnız bu il uğurlu keçdi. Keçən mövsümü də bizim üçün uğurlu saymaq olar. Kubokun qalibi olduq. Bu il də iddialı komandamız var. Məqsəd yüksək pillələrdə olmaqdır. Zaman göstərəcək.

26 yaşlı müdafiəçi qışda komandanı tərk etəməycəyini də vurğulayıb.

"Qışda komandanı tərk etməyəcəm. Belə bir fikrim yoxdur".