"Kəpəz" yeni transferini açıqladı

“Kəpəz” Veysəl Rzayevin transferini açıqlayıb.

Bu barədə Operativ Media-ya klubun mətbuat xidmətindən bildirilib.

V.Rzayev qış fasiləsində Gəncə təmsilçisinin ilk transferi olub. 23 yaşlı yarımmüdafiəçi ilə mövsümün sonuna qədər müqavilə imzalanıb.

Qeyd edək ki, futbolçu mövsümün ilk yarısını “Turan-Tovuz”da keçirib. O, bu müddət ərzində Premyer Liqada meydana çıxdığı 3 oyunda 1 qol vurub. V.Rzayev ölkə kubokunda 2 matç keçirib və 1 dəfə fərqlənib.