Enerji böhranı 2,7 milyondan çox kubalıya susuzluq yaşadıb

Kubanın 2,7 milyondan çox sakini elektrik kəsintiləri və nasos stansiyalarının nasazlığı səbəbindən su təchizatında fasilələrlə üzləşib.

Operativ Media xəbər verir ki, bu barədə Kubanın Su Ehtiyatları İnstitutu məlumat yayıb.

Məlumata görə, fasilələrin əsas səbəbləri elektrik kəsintiləri, infrastrukturun pisləşməsi və nasos stansiyalarındakı texniki nasazlıqlar olub.

Bundan əlavə, Havanaya su verən Kuenka Sur magistral su kəmərində baş verən nasazlıq nəticəsində paytaxtın üç rayonunun təxminən 200.000 sakini su təchizatından məhrum olub.

İnstitut qeyd edib ki, müntəzəm elektrik kəsintiləri su təchizatı şəbəkələrində tələb olunan su təzyiqinin saxlanılmasına mane olur. Nasazlıqlar aradan qaldırıldıqdan sonra belə, yaşayış binalarına su təchizatının bərpası bir neçə saat çəkə bilər.