Şahmatda ən çox mükafat qazanan qrossmeysterlərin siyahısı açıqlanıb

Məşhur “Chess.соm” portalı şahmat tarixində ən çox mükafat qazanan qrossmeysterlərin siyahısını tərtib edib.

Operativ Media-nın məlumatına görə, burada yalnız mükafat fondu 10.000 dollardan çox olan yarışlar hesaba alınıb. Sumqayıtlı qrosmeyster Şəhriyar Məmmədyarov da cədvəldə yer alıb. 

Belə ki, “Şah” ümumillikdə 1 milyon 781 min 988, 2025-ci ildə isə 38 min 639 dollar mükafat qazanıb.

Qeyd edək ki, siyahının ilk pilləsində norveçli Maqnus Karlsen yer alıb. O, indiyədək 12 milyon 232 min 249 dollar (2025-ci ildə 1 milyon 455 min 276) qazanıb.