Almaniya Kansleri: Çoxmillətli qüvvələrin Ukraynada yerləşdirilməsi Rusiyanın razılığı olmadan mümkün deyil

Atəşkəs, sonra Ukraynaya təhlükəsizlik zəmanətləri, daha sonra isə Rusiya ilə uzunmüddətli sülh razılaşması olmalıdır.

Operativ Media xəbər verir ki, bu barədə Almaniya Kansleri Fridrix Merts Ukraynada çoxmillətli qüvvələrin yerləşdirilməsi üçün lazım olan addımların ardıcıllığını izah edərkən bildirib.

“Və bütün bunlar Rusiyanın razılığı olmadan mümkün deyil. Görünür ki, biz hələ bundan kifayət qədər uzaqdayıq”, — Almaniya Kansleri vurğulayıb.

Qeyd edək ki, Ukrayna, Fransa və Böyük Britaniya Rusiya ilə müharibə başa çatdıqdan sonra Ukraynada çoxmillətli qüvvələrin yerləşdirilməsi haqqında bəyannamə imzalayıblar.