Qurban Qurbanov: Hər mövqeyə futbolçu axtarışları aparırıq

Bizim hazırda ən çox məşğul olduğumuz məsələ transferlə bağlıdır.

Operativ Media xəbər verir ki, bunu "Qarabağ"ın baş məşqçisi Qurban Qurbanov jurnalistlərlə keçirilən brifinqdə bildirib.

O, hər mövqeyə futbolçu axtardıqlarını qeyd edib.

"Danışıqlar gedir. Çox istəyirik ki, komandada bəzi mövqelərdə bir neçə oyunçunun sayını artıraq. Ötən il həddindən artıq güc sərf etdik. Bu il boyu davam edərsə futbolçuların gücü çatmaz. Hər mövqeyə bir neçə oyunçunun olmasına ehtiyac var".