"Qarabağ"ın maraqlandığı braziliyalı hücumçuya daha iki müştəri çıxdı

Portuqaliya futbolunda diqqət mərkəzinə düşən braziliyalı hücumçu Andre Klovis hazırda çıxış etdiyi “Akademiko” klubundan ayrıla bilər. 27 yaşlı futbolçu ilə üç klub yaxından maraqlanır.

Operativ Media xəbər verir ki, bu haqda braziliyalı jurnalist Felipe Silva "X" hesabında məlumat paylaşıb.

Məlumata görə, Klovisin transferində Azərbaycan təmsilçisi “Qarabağ”, Çinin “Uhan Three Towns” klubu, eləcə də Cənubi Koreyadan bir klub maraqlıdır.

“Akademiko” rəhbərliyi futbolçunun transferi üçün 3 milyon avro tələb edir. Andre Klovis cari mövsümdə yüksək məhsuldarlığı ilə seçilib. O, 20 oyunda 15 qol vuraraq komandasının əsas fiqurlarından birinə çevrilib.