İqtisadiyyat Nazirliyinin tabeliyində Dördüncü Sənaye İnqilabının Təhlili və Koordinasiya Mərkəzinin (4SİM) icraçı direktorunun müavini Soltan Bayramov Türkiyənin İstanbul şəhərində yerləşən MEXT Texnologiya Mərkəzində olub.

Operativ Media xəbər verir ki, mərkəzin qurulması və əməliyyat modeli, idarəetmə mexanizmləri ilə yaxından tanış olub. Səfər zamanı MEXT Texnologiya Mərkəzinin icraçı direktoru Barış Arıkan və icraçı meneceri Efe Erdem ilə keçirilən görüşdə “rəqəmsal fabrik” modeli, sənaye müəssisələrinin texnoloji və yaşıl transformasiyası ilə bağlı fikir mübadiləsi aparılıb. Aparılan müzakirələrdə Azərbaycanda oxşar modellərin tətbiqi və tərəflər arasında əməkdaşlığın genişləndirilməsi qiymətləndirilib.