BDU-nun rektoru: “Reytinqlərdə geri qalmağımız zəifliyimiz deyil, digər universitetlərin sürətlə inkişaf etmələridir”

“Biz rəqabət mühitindəyik. Söhbət tək ölkədən yox, regiondan gedir”.

"Operativ Media" xəbər verir ki, bu fikirləri BDU-nun rektoru Elçin Babayev Milli Məclisdə “Ali təhsil haqqında” qanun layihəsi ilə bağlı keçirilən ictimai dinləmədə çıxışı zamanı deyib.

“Artıq reytinqlərdə geri qalmağımızın səbəbi tək bizim inkişafımızın zəifliyi ilə yox, digərlərinin çox sürətli inkişafı ilə bağlıdır. Buna misal olaraq Qazaxıstan kimi ölkələri göstərə bilərik” – deyə rektor vurğulayıb.