İsrail Tehranda şəhər mərkəzindəki bir neçə küçəni əhatə edən hökumət binası kompleksinə zərbə endirib.

Operativ Media xəbər verir ki, bu barədə İsrail Müdafiə Qüvvələri məlumat yayıb.

Bəyanatda deyilir: "İsrail Hərbi Hava Qüvvələri Tehranın mərkəzində yerləşən İran rejiminin ərazisinə daxil olan hədəfləri vurub məhv edib. Zərbə zamanı prezident iqamətgahına və Ali Milli Təhlükəsizlik Şurasının binasına çoxsaylı sursat atılıb. Zərbə həmçinin rejimin yüksək səviyyəli təhlükəsizlik qərar qəbul edənləri üçün toplantı yeri, eləcə də İran hərbi zabitləri üçün təlim mərkəzini hədəfə alıb".