Martın 3-də təhlükəsizlik səbəbləri ilə müvəqqəti olaraq bağlanan Kanadanın Səudiyyə Ərəbistanındakı səfirliyi yenidən açılıb.
Operativ Media xəbər verir ki, bu barədə səfirlik məlumat yayıb.
Qeyd edək ki, fevralın 28-də ABŞ və İsrail İrana qarşı hərbi əməliyyata başlayıblar. Tehran da daxil olmaqla, İranın böyük şəhərləri hədəfə alınıb. Zərbələr nəticəsində Ali Rəhbər Ayətullah Əli Xamenei və İslam Respublikası rəhbərliyindəki bir neçə digər əsas şəxs və yüzlərlə mülki vətəndaş həlak olub.
