"YouTube" mesajlaşma funksiyasını aktivləşdirib

"YouTube" şəxsi mesajlaşma funksiyasını yenidən test etməyə başlayıb.

Operativ Media xəbər verir ki, funksiya 31 Avropa ölkəsində istifadəçilər üçün əlçatan edilib.

Məlumat üçün bildirək ki, "YouTube" şəxsi mesajlaşma funksiyasını ilk dəfə 2017-ci ildə təqdim edib.

Lakin iki ildən sonra layihə dayandırılıb. 2025-ci ilin noyabrında isə funksiya yenidən test rejimində bərpa olunaraq əvvəlcə Polşa və İrlandiyada istifadəyə verilib.

Hazırda isə xidmət Avstriya, Belçika, Bolqarıstan, Xorvatiya, Çexiya, Danimarka və digər Avropa ölkələrində də sınaqdan keçirilir.