İranın xarici işlər naziri Abbas Əraqçi BMT-nin baş katibi Antonio Quterreş ilə telefon danışığı aparıb.

Operativ Media xəbər verir ki, bu barədə Əraqçinin Telegram kanalında məlumat verilib.

Söhbət zamanı Əraqçi  ABŞ və İsrailin hücumları Hörmüz boğazında gəmiçilik böhranına səbəb olduğunu bildirib.

"Sülh və təhlükəsizliklə bağlı narahat olan hər bir ölkə və ya beynəlxalq təşkilat bu iki rejimin cinayətlərini məsuliyyətlə və qətiyyətlə pisləməli və İran xalqına qarşı hərbi təcavüzünə son qoyulmasını tələb etməlidir". - Əraqçi qeyd edib.