Dünyada hər il 5 milyona yaxın uşaq beş yaşına çatmamış ölüb
Birləşmiş Millətlər Təşkilatının yeni hesablamalarına görə, 2024-cü ildə təxminən 4,9 milyon uşaq, o cümlədən 2,3 milyon yeni doğulmuş körpə beş yaşına çatmamış ölüb.
Operativ Media xəbər verir ki, bu barədə UNICEF, Dünya Bankı, Ümumdünya Səhiyyə Təşkilatı və BMT-nin Əhali Fondu tərəfindən hazırlanmış birgə hesabatda bildirilir.
Ölüm səbəbləri ilə bağlı qlobal hesablamaları tam şəkildə inteqrasiya etməklə, təhlil ilk dəfə olaraq nə qədər uşağın harada və nə üçün öldüyü barədə ətraflı məlumat verir.
BMT-nin uşaq ölümünün qiymətləndirilməsi üzrə agentliklərarası qrupu tərəfindən təqdim edilən “Uşaq ölümünün səviyyələri və trendləri” hesabatında göstərilir ki, 2000-ci ildən bəri beş yaşa qədər uşaqlar arasında ölüm halları yarıdan çox azalsa da, bu temp 2015-ci ildən bəri 60 faizdən çox yavaşlayıb.
Ölüm halları Çad, Konqo Demokratik Respublikası, Niger və Nigeriya da daxil olmaqla bir neçə endemik ölkədə cəmləşib, burada münaqişələr, iqlim şokları, invaziv ağcaqanadlar, dərman müqaviməti və digər bioloji təhdidlər profilaktika və müalicəyə çıxışa təsir göstərməyə davam edir.
