Cari ilin ilk iki ayında 13,5 milyon dollarlıq şəkər ixrac edilib

Bu ilin yanvar-fevral aylarında ölkədən 13,5 milyon ABŞ dolları dəyərində 20,3 min tondan çox şəkər ixrac edilib.

Dövlət Gömrük Komitəsindən Operativ Media-ya verilən məlumata əsasən, ötən ilin müvafiq dövrü ilə müqayisədə ixracın dəyəri 4,3 dəfə, həcmi isə 4,4 dəfə artıb.

Cari ilin ilk iki ayında şəkərin ümumi ixracda xüsusi çəkisi 0,37 faizə, qeyri-neft məhsullarının ixracında çəkisi isə 2,33 faizə bərabər olub.