Azərbaycandan Serbiyaya ixrac edilən qazın həcmi açıqlanıb

Azərbaycanla Serbiya arasında enerji sahəsində əməkdaşlığın inkişafı istiqamətində növbəti müzakirələr aparılıb. 

Operativ Media xəbər verir ki, bu barədə Parviz Şahbazov sosial şəbəkə hesabında paylaşım edib.

Bildirilib ki, Serbiyanın mədən və energetika naziri Dubravka Djedoviç Handanoviç ilə keçirilən görüşdə iki ölkə arasında strateji tərəfdaşlığın möhkəmləndirilməsi çərçivəsində enerji əməkdaşlığının əsas istiqamətləri müzakirə olunub. Görüşdə təbii qazın tədarükü, elektrik enerjisinin istehsalı, yaşıl enerji dəhlizi, enerji səmərəliliyi və istilik təchizatı kimi sahələr diqqət mərkəzində olub.

Qeyd edilib ki, indiyədək Azərbaycandan Serbiyaya ümumilikdə 444,6 milyon kubmetr qaz ixrac olunub.

Tərəflər enerji sahəsində əməkdaşlığın daha da genişləndirilməsi və yeni layihələrin həyata keçirilməsi imkanlarını da nəzərdən keçiriblər.