Azərbaycan və ABŞ arasında Sİ infrastrukturunun yaradılması imkanları müzakirə olunub

Azərbaycanın İqtisadiyyat naziri Mikayıl Cabbarov ABŞ-nin süni intellekt (Sİ) sahəsində ixtisaslaşmış "Haimaker" şirkətinin baş icraçı direktoru Su Le ilə görüşüb.

Operativ Media xəbər verir ki, bu barədə nazir "X" hesabında yazıb.

"Azərbaycan-da Sİ infrastrukturunun yaradılması imkanlarını müzakirə etdik. Bu istiqamətdə strateji təklifləri, Ələt Azad İqtisadi Zonasında  data mərkəz və bulud platformasının qurulması, əməkdaşlığın hüquqi əsaslarının təşkili və texnologiyaların transferi istiqamətində işbirliyi perspektivlərini nəzərdən keçirdik". - nazir qeyd edib.