Azərbaycan və BƏƏ arasında enerji əlaqələrinin inkişafı müzakirə edilib

Azərbaycan və Birləşmiş Ərəb Əmirlikləri (BƏƏ) arasında enerji əlaqələrinin inkişafı müzakirə edilib.

Operativ Media xəbər verir ki, bunu energetika naziri Pərviz Şahbazov "X" sosial şəbəkəsindəki hesabında bildirib.

"BƏƏ-nın Xarici İşlər Nazirliyinin Dövlət naziri Səid bin Mübarək Əl-Hacirinin başçılıq etdiyi nümayəndə heyəti ilə enerji əlaqələrimizin inkişafına dair müzakirələr apardıq. Ölkələrimiz arasında Hərtərəfli Strateji Tərəfdaşlıq çərçivəsində neft-qaz, bərpa olunan enerji, enerji səmərəliliyi, regional enerji dəhlizləri və logistika üzrə əməkdaşlığın mövcud vəziyyətini və inkişaf perspektivlərini nəzərdən keçirdik", - deyə o qeyd edib.