"Fənərbaxça"nın hücumçusu "Koventri"yə transfer oldu

İngiltərənin "Koventri" klubu Türkiyənin "Fənərbaxça" komandasından hücumçu Sidiki Şerifi heyətinə qatıb.

​Operativ Media xəbər verir ki, 19 yaşlı qvineyalı futbolçu ilə imzalanan müqavilənin müddəti hələlik açıqlanmır.

​"Transfermarkt" portalı bu keçidin dəyərini 24,5 milyon avro qiymətləndirib. Fransanın "Anje" klubunun yetirməsi olan forvard İstanbul təmsilçisinin forması ilə çıxış etdiyi 17 qarşılaşmada 3 dəfə rəqib qapısına yol tapıb və 1 məhsuldar ötürmə ilə yadda qalıb.