Laçındakı “Mişni” və “Alxaslı” KSES-lərdə istehsal olunan elektrik enerjisinin həcmi açıqlanıb

Fəaliyyətə başladığı tarixdən bu ilin iyul ayınadək Laçın rayonunda Həkəri çayının ən böyük qolu olan Hoçaz çayı üzərində yerləşən "Mişni" kiçik su elektrik stansiyasında (KSES) 64,3 milyon kVt/saat, "Alxaslı" KSES-də isə 42,2 milyon kVt/saat elektrik enerjisi istehsal edilib.

Operativ Media xəbər verir ki, bu barədə Energetika Nazirliyi məlumat yayıb.

Bildirilib ki, 25 avqust 2023-cü il tarixində Laçında Hoçaz çayı üzərində 8,25 MVt gücündə "Mişni" və 6 MVt gücündə "Alxaslı" KSES istismara verilib.